random
أخبار ساخنة

هو انا عندى اكتئاب ( وبيقولو اكتئاب )

  


الاكئاب



سلسلة المشكلات النفسية بالعامية

وبيقولو اكتئاب


 اى حد بتقوله مالك
يقول بكل بساطة عندى اكتئاب 

ودا طبعا مش صحيح لان الاكتئاب بيتم تشخيصه وفقا لمعايير كتير 
هتكلم انهاردة عن انواع الاكتئاب وفقا لأحدث تشخيص
 الدليل التشخيصى الخامس DMS5 
الى من خلالة الأطباء النفسين بيقررو انك عندك فعلا اكتئاب ولا موهوم 
الاكتئاب يعتبر من الاضطرابات النفسية الى بتحتاج لتدخل ومتابعة مع اخصائى نفسى 
وفى نوع من الاكتئاب الذهانى والشديد الى بيحتاج تدخل طبيب نفسى 
                          للفرق بين الطبيب النفسى والاخصائى النفسى 

نبدأ حديثنا عن انواع وتشخيص الاضطرابات الاكتئابية 

اضطراب الإكتئاب الجسيم

حالة من الحزن الشديد وانخفاض فى الأداء الاجتماعى أو المهنى وهى ثابتة أغلب ساعات اليوم أو كل يوم طوال الأسبوعين
تستمر لمدة اسبوعين على الأقل مع وجود خمسة أو اكترمن الأعراض الأتية :
← مزاج منخفض معظم اليوم ( شعور بالحزن أو الفراغ أو اليأس يلاحظ من قبل الأخرين كأن يبدو دامعا ) 
← فقد أو انخفاض الاهتمام والاستمتاع بكل الأنشطة او اغلبها 
← زيادة فى الوزن واضح أو نقص بالوزن
 ( تغير فى الوزن لأكثر من ٥ % فى الشهر) تمثل انخفاض الشهيه او زيادتها
← أرق أو فرط نوم كل يوم تقريبا 
← تعب أو فقد الطاقة كل يوم تقريبا
← هياج نفسى حركى ( حركة زائدة ) أو خمول كل يوم تقريبا 
← احساس بإنعدام القيمة أو احساس بالذنب 
← انخفاض القدرة على التركيز أو التفكير 
← افكار متكررة عن الموت

بالعامية يعنى :
شرط استمرارالحزن الشديد اسبوعين او اكتر 
مع وجود مش اقل من خمس اعراض من المذكورين 
مش مجرد شوية زعل يوم او يومين تقول عندى اكتئاب
يظهر فى الراشدين بنسبة ٢٠ % للنساء ، ١٠ %  للرجال 


اضطراب المزاج المتقلب المشوش

وهو عبارة عن انفجارات متكررة وشديدة من الغضب لفظيا أو سلوكيا 
لفظيا ( مثل استخدام الالفاظ الخارجة ) 
أو سلوكيا  ( مثل اعتداء جسدى على شخص او شئ )
تحدث نوبات الغضب 3 مرات أو اكثر بالأسبوع
يكون المزاج بين نوبات الغضب منفعلا أو غاضبا باستمرار لمعظم اليوم أو كل يوم تقريبا
 وايضا يمكن ملاحظتها من قبل الاخرين ( الاهل ـ الاصدقاء وغيرهم ) 
شرط وجود نوبات الغضب سنه كاملة أو اكتر 

بالعامية يعنى 
مينفعش حد يقول عندى اضطراب فى المزاج ومع كل الناس بيضحك ويهزر 
او مفيش علامات غضب وانفعال بتظهر عليه على الأقل 3 مرات بالأسبوع 
وفى اكتر من مكان زى البيت ، الشغل ، الشارع ...
وكمان شرط استمراره سنه كاملة علشان تقدر تقول حاسس عندى تقلب فى المزاج ومشوش ومش متأكد 
لان التشخيص الدقيق بيتم من خلال طبيب نفسى أو اخصائى نفسى شاطر

اضطراب الاكتئاب المستمر 

هو نوع من اضطرابات الاكتئاب 
 يظهر فى الأطفال والمراهقين يشترط وجودة لمدة سنة على الأقل 
ولمدة سنتين على الأقل بالراشدين
مع ظهور بعض الأعراض المصاحبة لأضطراب الاكتئاب الجسيم 


بالعامية يعنى :
الاكتئاب المستمر دا هو والاكتئاب الجسيم واحد الى بيفرق مدة الاكتئاب 
هنا الاكتئاب والحزن الشديد وفقد الاهتمامات وانخفاض الاداء الاجتماعى والمهنى 
وكل الأعراض الى اتكلمت عنها فوق بتستمر لمدة سنه او اكتر عند الأطفال 
وسنتين او اكتر عند الراشدين
وتانى علشان محدش يشخص اولادة ويقول عندة اكتئاب مستمر او جسيم لازم نراجع طبيب نفسى 

اضطراب سوء المزاج ما قبل الطمث ( الدورة الشهرية )

هو نوع من الاضطرابات الاكتئابية فى معظم دورات الطمث 
ومن الأعراض البارزة ( عدم الاستقرار الأنفعالى ـ الغضب ـ اكتئاب المزاج ـ القلق ... )
تظهر فى الاسبوع الأخير قبل بداية الطمث وتبدأ بالتحسن خلال بضعة أيام بعد ظهور الطمث وتصبح أقل ما يمكن أو قد تغيب فى الأسبوع التالى للطمث

بالعامية يعنى :
اضطراب سوء المزاج ماقبل الدورة الشهرية أو بعدها 
ومن علاماتة الغضب والانفعال وتقلب المزاج والقلق 
تختفى الاعراض بالتدريج ولا تستمر لفترة طويلة 


لعلاج الاكتئاب اضغط هنا


اسعدنا مروركم الكريم 
مع سلسلة المشكلات النفسة بالعامية 
لو انت طالب بعلم نفس وحابب تعرف اكتر
او اخصائى يشرفنا دخولك فى اى وقت
او مهتم بالمجال 
لو عجبتك السلسلة وحابب تعرف اكتر
ادعمنا بتعليق او متابعة
علشان يوصلك كل جديد



موقع ابداع
 للتربية الخاصة والتأهيل النفسى
   اخصائى نفسى وتربية خاصة

google-playkhamsatmostaqltradent