كيف اهيئ اولادى نفسيا لاستقبال رمضان
ازاى احبب أولادى بشهر القرآن
امتى اقول لأولادى هتصوموا انهاردة معانا
مقالة اليوم مزيج من علم النفس والتربية الدينية السوية
لكل أولياء الأمور والقائمين بالرعاية
كل هدفنا انهارده اننا نزرع جوا أولادنا حب الصيام وحب شهر رمضان والقرآن
اعلنوا الفرحة بإستقبال شهر رمضان مع أولادكم
وذلك من خلال اظهار شعائر الفرحة والسرور
وعمل زينة وفانوس رمضان بالأدوات والخامات المتوفره بالمنزل
بالتعاون مع أولادكم فهى فرصة جيده للتقرب منهم وتنمة مهاراتهم من خلال اللعب
واعطائهم رسائل ايجابية عن شهر رمضان وفضائلة وايضا اثقالهم بمعلومات دينية بسيطة كقصص الانبياء وغيرها
اعطى أولادك جزء من وقتك
شهر رمضان مختلف من باقى الشهور لو كنت مشغولة عن أولادك بالطبيخ والغسيل وغيرو
اعرفى ان دى أفضل فرصة و قسمى يومك صح مثلا وقت للطبيخ وقت للنظافة وقت للقرآن وقت لأولادك
وأبدأى بقراءة القرآن مع أولادك وزوجك وازرعى فيهم حب القرآن
امدحيهم ديما لأنهم بيسمعوا كلامك وبيصلو وبيقرأو قرآن
امدحيهم على اى سلوك ايجابى
ولو اغلب سلوكياتهم سلبية ومش راضية عنها
ممنوع تعلقى عليها أو تذمى فيهم
وقت أولادك مهم زى الطبيخ والغسيل واكتر شويه ..؟هيئ طفلك نفسيا لصيام رمضان بحب ولين
امتى اقول لابنى هتصوم معانا انهاردة لحد الظهر ؟أو هتصوم لحد ساعتين وبكره 3 ساعات ؟
اما تلاقى ابنك لاحظ ان هو الوحيد الى بياكل وبدأ يسألك وتقوليله انا صايمه
يبقى جه الوقت انك تقوليله احنا بنصوم علشان ندخل الجنه ونحس بالفقراء الى مفيش عندهم اكل
تقدر تصوم معانا ساعه وتاخد اجر كبير اوى من ربنا
وبعد ما يصوم المده الى حددتيها تجهزيله اكل بيحبه وتقولى لكل الى تقابليه ابنى بيصوم معانا
ومن هنا هنعزز جواه حب الصيام
وفرصه جميلة جدا انك تعرفه الصلاه وفوائدها
اهم حاجه بلاش تخوفوهم او تقولولهم هتدخلوا النار لو معملتوش كذا
التربية الصح بالترغيب مش بالترهيب والتخويف
وبلاش تقوله انت وحش ومبتسمعش الكلام
لان النتيجة الى بعد الجملة دى انه فعلا هيبقى وحش ومش هيسمع الكلام
وبلاش تقارن طفلك بأخوه أو ابن خالته أو جاره
وتقوله شايف فلان بيصوم ومش بيلعب فى الشارع وبيسمع الكلام
والنتيجة هنا انه هيبدأ يغير منه ويكرهه وبردو مش هيسمع الكلام
عايز تربى ابنك تربية سوية بعيدة عن الأمراض النفسية
اقرأ الموضوع دا ↓↓↓
كيف اربى ابنى سوى نفسيا
لو عندك تعليق أو استفسار ممكن تكتب بكومنت أو ترسل رساله
اسعدنا مروركم الكريم
كل عام وانتم بخير وسعادة دائمه
رمضان مبارك
اخصائى نفسى وتربية خاصة
علا وجدى
علا وجدى